100 mijë euro për një prostitutë, arrestohet tutori shqiptar në Itali

00:57 | 22 Nëntor 2017
Trina Galanxhi

31-vjeçari shqiptar, Asim Koleci u arrestua nga autoritetet italiane pasi drejtonte një organizate të madhe trafiku prostitutash, që ishte vëzhguar që nga viti 2015.

Sipas mediave italiane, shqiptari fitonte 100 mijë euro vetëm nga një punëtore seksi. Për transportin e prostitutave, 31-vjeçari paguante një familje italiane.

Në mesin e 15 prostitutave që shfrytëzoheshin nga banda shqiptare ishte dhe një e mitur rumune, 16 vjeç, që shkoi në Itali për të gjetur punë, por përfundoi prostitutë. Të gjitha paratë e nxjerra nga ky aktivitet shkonin në duart e Asim Kolecit.

Shumat e mëdha që fitoheshin ndaheshin mes ukrainasve dhe rusëve, ndërsa pjesa më e vogël e fitimeve i shkonin familjes italiane që transportonte prostitutat. Të arrestuarit janë: Asim Koleci, Myslim Hoxha, Lulzim Hoxha, Mendtor Domazeti, Monaco Giovani.